من طرف 
رُوح وابكي بعيد ..
ابتعد عني انا مو ناقص قلب من حديد ..
خلاص .. دموعك ما عاد تهِمني ..
زمان ... كنت أهتم .. وكانت دموعك تذبحني ..
وكنت ألوم واعاتب روحي ..
وأصرخ بقلبي واجبره يجيك رغم جروحي ..
بس الحين ما عدت تهمني ..
انت ودموعك .. ما عدت تهمني ..
ياما جرحت قلبي .. وسامحت ..
ياما بكيت بحضاني تعتذر... تبوس راسي .. وسكت ..
تقولي لك العهد مني ما اخون ..
تقولي انا لك مهما يكون ..
كلامك كان يعذَّبني ..
وترجع بحنانك وهمسك تإسرني ..
وأمشي على قلبي واجيك رغم كل ما فيني من حزن ..
ما اقدر عنك أبعد ولحضنك دوم أحن ..
طفل صغير تتلمذ على يدَّك
وتعلم معنى العشق من قلبك ..
وكبرت وانا أذوب بحضنك
وأول بوسة بحياتي كانت لشفايفك
ليت عيوني احترقت قبل لا تشوفك
وليت ما كان عندي قلب يذوب فحبك
الحين جايني تبكي .. وتترجَّى .. أسامح ؟؟!!
ما فكرت بإحساسي ..
بروحي ..
بقلبي ..
وانت تمزقه بكلامك الجارح ..
حرام عليك .. والله تعبت أناديك
تعبت .. من كثر ما كنت أجاريك ..
كنت أموت ألف مرة يوم قالوا حبيبك يخونك
كنت أخسر اصحابي واحد ورا الثاني لاجل عيونك
كيف بعيش بأمان الحين ..!
كيف بتردلي الثقة وبظهري تزرع سكاكين ..
قولي بربك وين أروح بقلبي المسكين ..
ومنين أجيب احساس يعوض ويملا روحي حنين ..
يا غربة الليالي .. يا وحدتي ..
يا عمرٍ ضيعته معاك ..
كل لحظة عشق ..
كل دمعة شوق ..
كل تنهيدة بصدري احترقت مشتاقة لحضنك ..
كل نفس يصرخ وينك ابي اشمك ..
كنت أفداك بصدري وحناني
كنت أذرف الدمعة لا سمعت أنك تعاني
يا قلب قاسي .. مثلك مثل التماثيل
شوهت باسم الحب كل شي جميل
حرقت... بخيانتك .... أحلى التفاصيل
روح يا لعنة الحب وابكي بعيد ..
روح شوفلك حضن ثاني واخدعه من جديد ..
