من طرف 
تدور أحداث هادي الحوووكاية في الانتفاضة الأولى
(ايوااا أيام منع التجول والتطبيش عجيبات اليهود)
كان يا مكان في سالف العصر والزمان
بنت زغيرة اسمها نرقس
عايشة بمدينة ولا أحلى من كل المدن
(غــــزة)
الله يحرسها(يحرس نرقس مش غزة طبعا)
نرجس كان إلها أخو زغير اسمه حمودي
(هبيلة..اصدي مووش هبيلة..حمودي انته بتتفرج عالمودوع عشان اذا ما بتتفرج يبقى هبيلة )
وكانت عايشة مع امها وابوها وستها(الله يرحمها)
وكانت هالبنت ما شاءالله عليها
غنوجاية وطيوباية وكيوتاية وحلواية واموراية
وشطوراية وعسولاية
وبتسمع الكلام
سبحان الله
حدن عنده اعتراض
خلينا نبدا
(من حفر جورة لاخيه اندب فيها)
في يوم من الايام ماما فيقتني للمدرسة الساعة6
ولبست بأخف من الريح ومشطت شعري وافطرت وانطلقت
مزبهلة مسرورة الفؤاد منشكحة الأسارير استنى الباص انا واخويا الزوغير
(يعني بالله صدقتو..نسيتي يا نرقس مناوشات صباح ال92 انتي وامك عشان تقومي المدرسة)
طبعا كل صبح كنت اكره تلت اشياء
1_الفيقان من النوم من تحت المخدةوالحرام والدفى والانطلاق إلى العالم الخارجي
2_تمشيط شعري ونزام التنتيف اللي امي كانت متبعاها معي بتنفش خلقها كلو فيا بنتقم كانت من كل اللي سويته معها بحياتي
3-شرب الحليب واااااااااااااااااعنزام انتقام بردو
المهم قعدت استنى بالباص واجى ميشيل ابن جيرانا(مسيحي)
قعد يستنى معنا كنا بنفس المدرسة سبحان الله
وفجأة واجت المفاجأة المسرة
لقينا طلاب المدراس الحكومية مروحين(مش اي رواح كيف بنعرف انه مروحين اتبعو المنزر التالي:
1_شنتة ساحلة بتجرجر عالأرض ..
2_بربور نازل عشرة متر غير عالكمين
(الطرق السليمة والمعتادة لمسح البرابير عنا هااا شو بتفكرو الكلينكس ببلاش )
3_مريول المدرسة انتقل من اللون الاخضر للسكني الفاتح
(لزوم الطوش عباب المدرسة طوش المحبة والترحيب عن طريق
الردغ بالارض وجهين قداماني وقفياني في الرمل والغبرة)
4-والاشي اللي بأكد الاشي انه مطلعين السنويشات تعت الفورسة بياكلو فيها
ليييييييش
إضرااااااااااب
(موووولاحزة كلمة إضراب كلمة زات وقع جميل ما حدا راح يحسها إلا اللي جربو الانتفاضة الاولى بغزة)
ورجعنا للبيت مبسوتيييين ومهللين ومزعبرين
ومتشنكمين آخر شنكمة
وكإن الدنيا مش سايعاني
وبعد شوي....
دب دب دششششش
وبدحكة صفرة
دحكة شنيعة شريراية
هيهيهيههيهيييييييييي
طلعت من مسرح الجريمة
وانطلقت ماما كهدير الرعد
شوووووووو بتعملووووو ايش كسرتو كمان
واجت ماما كالعادة تركض تشوف الجريمة
مين اللي كسرها هادااااااا انته يا حمودييي
طبعا كان اخويا الفكيك رايح للمسرح يشوف شو الدعوة
هااااااااااااااا
مش أنا والله ما أنا يا ماما
هاااااااااا مين يا مشحر(انتبهو للكلمة هاي)
هاي نرجس
ونزلت انا من الطابق الفوقاني
قال عاملة كإنه كنت بتفرج عالتي في
نرجس انتي اللي كسرتي شنتة ابوكي السامسونايت
(مولاحزة الشنتة هادي عانت مني مرة بابا راح عشغله فتحها قدامه صحابه والمرضى يطلع سماعاته لقى مفش سماعات وفي ماي دولز وعرايسي وألعابي كلهم قال وانا قعدت اليوم بطوله حردانة وير أر ماي لعبي)
انااااااااااااااااااا
انا كنت بتفرج على التلفزيون
انتو دايما شريرين وبتحطو احق علي
كنت بتفرج على ماما سامية
ونزر اخويا نزرة معصبة عليا وقال
يا لئييييييمة
ماما سامية ما بتيجي هلأ
وقع الشوك عليا
شووووو
اســـــــــــكت
يا لئيم انته اصلا لولا ماما حنت عليك وجابتك من عباب الجامع ولا كان ما أخدناك
(الشوك على ماما)
اناااااااا انتي ماما جابتك من عمو أبو عصام(زبال الحتة بالزمنات )
واحتد القتال ووصل لتشابك بالنزرات
ثم بدأ بالزق
ثم استمر للرقع وبدا يشد بشعري وانا اشد بشعرو
لحد ما انطلقت صرخة (سبحان الله بترن لهلأ بوداني)
بسسسسسسسسسسسسسسسسسسسسسسسسسسسسسسسسسسس
وراحت ماما (طبعا راحت بعد مكل واحد فينا اخد اللي فيه النصيب)
وقعدت بتحكي
الله ياااااااااااااااااااااااااااااخد اليهود ليش الاضربات ليييييييييييييييييييييييييييييش
وفي هادي الاثناء رحت لغرفة ستي أبكي
(قال صربني وبكى سبقني واشتكى)
مالك يا تيتا ليش بتضلك تغلبي امك هيك
بس انا ما سويت شي اهيء اهيء (ابو عيون بريئة)
خلص يا تيتا خودي 2 شيكل من الدوزدان (مش ال2 إلي)
وخودي واحد إلك والتاني جيبلي فيه سكر فضة
وهنا انطلقت انا متشنكمة اوي اوي
وعــــــــــدل عباب البيت
ويييييييييييييييين
مش اضراب اليوم ومنع تجول ومبسوطة
انطلقت ماما مرة تانية
شووووو اه صح اضراب
ومع هيك رحت للحيطة الخلفية لجنينة البيت وبديت انادي على مس نسرين
مس نسرين هادي كانت ساكنة لزق مع دكانة عمو أبو كامل
وخلال الاضرابات ومنع التجول
كان الحي بأكمله يصوت عشان تناولنا من فوق الحيط
ومن حيط لحيط ومن سور لسور ومن وول لوول
وبندبر حالنا
وحاولت اتشعلق عالحيط ابدن
كل دبة ولا التانية
دب دب
مسسسسسسسس نسرررررررين
مس نسرررررررررررررين
اهيء اهيء
ايوا يا نرقس شو بدك حبيبتي
تيتا بعتتني لعندك بدنا غراض
شو بدكم اشياء كتير استني اجيب ورقة اسجل
لالالالا
بدي سكر فضة لتيتا
وانا بدي شوكلاتة سنوبي وكرونة علي بابا
واختفى صوتها
شكلها ازبهلت من وقع الصدمة
طيب يا مس لحزة خودي المصاري
وطننننننن بالهوا ولا سمعت صوتهم تاني
مس لقيتيهم
لا حبيبتي لحزة
طيب
لقييييتيييييييييهم
لا استني شوية
طيب
لقيييتييييهم
بس يا نرجسسس
لا حول ولا قوة إلا بالله
وراحت تجبلي الاغراض
الشوكلاتة السنوبي والكرونة علي بابا
وفي هادي الاثناء
بسسسسسست بسسسسست (المشحر ابن جيرانا ميشو)
هيييييييء
ايش بدك يا مشحر(متزكرين الكلمة هاي بعد اسبوع كان الحي كله ما بتعامل الا فيها)
ليش صوتك كان ملعلع قبل شوية
ليش امك كانت تبهدلك
ما إلك دخل يا مشحر
ولك شو هالكلمة هادي
ايش يعني مشحر
هادي كلمة للأئوية يا مشحر
طيب تيجي نلعب يا مشحرة
بديش في منع تجول يا مشحر
ولك بنلعب شوية عالباب يا مشحرة
طيب بس استنى مس نسرين وهلأ بفتح باب البيت يا مشحر
وفي هادي الاسناء رجعت مس نسرين ومعها
الشوكلاتة السنوبي والكرونة العلي بابا
وقالتها بالحرف الواحد
تاني مرة يا مس ما تناديني عشان شوكلاتة
(طبعا ضلينا انادي عليها لحد ما انحرقت الدكانة بيحكو انه في ايدي خفيه هيه كانت وراها )
وانطلقت انا خلف ميشووو من حيط لحيط
(الاصح كان يحدفني من حيط لحيط بما إني مليش بالحيطان)
:
:
:
بكمل القصة والاحداث اللي صارت بميشو من ورا الوقفة عالباب
في الحلقة القادمة شخبطوه اليهود
شخبطة ما اعتقد راح ينساها
