من طرف العندليب الثلاثاء 17 يونيو 2008, 2:58 pmعجبي عليك يا ابن ادم يا كبير الدار
قومت الدنيا وما قعدتها لما قالولك يا حمار
شو يعني اسمي شتيمة ولا جنسي شي عار؟؟؟؟؟؟
خلقني ربي وخلقك وما حدا بايدوا الاختيار
وانا مهما زاد الحمل فوقي صابر على المشوار
لا بيوم ارفع عيني على جارتي وبصون الجار
ولا بطلع على رزق غير وبطق منو وبغار
ولا ادفع لحمارتي مهر ولا خواتم ور اسوار
ولا شقة اجمع حقها ولا اجهز الدار
ولا حرمتي حامل تتوحم بدها كافيار......
ولا بنت تخرج عن طوعي وتجيب الي العار
ولا ابن يدمن ويهلوس ويوقع وينهار
عايش بحالي ومتهني وليش احتار
باكل واشرب وانهق وما في عندي اسرار
وعندي ابن ادم يخدمني ليل ونهار
اذا جعت يشتري برسيمي باغلي الاسعار
واذا مرضت بيعالجني ويدعي الستار
خادم امين من غير راتب ولا حتي ايجار
عرفت يا بني ادم من فينا طلع الحمار
