من طرف زائر الخميس 03 يناير 2008, 10:54 am
صباحكم / مساءكم معطر بعطر الجورى
أحببت ان اضع لكم مجموعة من كلمات أغانى الفنان الرائع / مارسيل خليفه
:: وقفوني عالحدود ::
وقفوني عالحدود... قال بدن هويتي
قلتلن إنَّ بيافا... مخبايتها ستي
يا كلمة القلتها... تقسموا صفين
صف بكرابيج... وصف يسأل وين
صرخت بفلسطين... فسخوني نصين
نصي على الحدود... ونص بحضن ستي
وقفوني عا لحدود... قال بدن هويتي
قلتلن إنِّ بيافا... مخبايتها ستي
* * *
ستي يامخبايّ... مدري بأي بيت
هويتي ضبيها...خبيها بشي حيط
بدّهن يحرقوها... من الدني يمحوها
ويا غيمات بلادي... عليهم ما تشتي
وقفوني عا لحدود... قال بدهن هويتي
قلتلن إنَّ بيافا... مخبايتها ستي
* * *
راح إجمع الغيمات... وأعطيهم مواعيد
وحملهم قنابل... ويطيرون من جديد
بشي ليلة كانون... بنتلاقى وبنروح
وبيبلش القواص... والغيمات تشتي
وقفوني عا لحدود... قال بدهن هويتي
قلتلن إن بيافا... مخبايتها ستي
***************************
:: نامي نامي ::
نامي نامي يا صغيرة... تانغفى عا لحاصيري
نامي عالعتيمي تا تنزاح الغيمي... ويصير عنا ضو كبير
يضوي عا كل الجيري...
نامي نامي يا صغيري... تانغفى عا لحاصيري
بكرة بيك جاي... حامل غلت الليمون
بيجبلك تنورة وشال... تاتدفي في كانون
يا زغطورة الحندقة... شعرك أسود ومنقى
واللي حبك بيبوسك... والبغضك شو بيترقى
نامي نامي يا صغيري...تانغفى عا لحاصيري
نامي عالعتيمي تا تنزاح الغيمي... ويصير عنا ضو كبير
يضوي عا كل الجيري...
نامي نامي يا صغيري... تانغفى عا لحاصيري
**************************
:: ولاد البحر ::
حصّل حصّل هالشختورة زمنها عم بتهد المراجل
زت الشبكي وضب العدة وتلطى عالشط الآخر
هيلا هيلا هيلا هيلا هيلا هيلا هيلا هيلا
* * *
تمرمر قلبي بضهر البحر بلكي بيزبط وضعي شوي
والله الرزقة متل السحر بتزحط وبترجع على الميه
ختيرنا عمينا... يا ريس من الآلي جوينا... يا ريس
من العين حمينا يا ريس
هيلا هيلا هيلا هيلا
* * *
قاموا فتحولي شركة وأمروني توظف فيها
لحكومي بتبيع البحر وبعسكرها بتحميها
تتّاجر فينا... يا ريس يا ريس إنت بتكفينا... يا ريس
أحسن تنسينا... يا ريس
هيلا هيلا هيلا هيلا
* * *
حصِّل، حصِّل هالشختورة زمنها عم بتهد المراجل
زت الشبكة وضب العدة وتلطى عالشط الآخر
هيلا هيلا هيلا هيلا
***********************
:: البياعين ::
عجل، عجل، تنوصل شدلي حيلك بكير
سبقونا كل الجيران وعالراس معلم لطفي
هلق ما بيتقنعوا وبتسكر الدكاكين
اليوم العيد، اليوم الصولد بيبيعوا حتى الفترين
أم ولادي قالت هيك والجيبي خاتم لبيك
عا لمسلخ قمنا مشينا وقصدنا محلات نّايك
طلّع نزل قيد سجل وان توتري، شرف يا بيك
لون العمر بطول العرض تعبّوا فينا البياعين
عجل، عجل، تنوصل شدلي حيلك بكير
سبقونا كل الجيران وعالراس معلم لطفي
هلق ما بيتقنعوا وبتْسكر الدكاكين
اليوم العيد، اليوم الصولد بيبيعوا حتى الفترين
وتعبّت فينا الأسعار بالعيلي قياسات كتير
وما فيك تلبّس الكبار وتعري اللي بعده صغير
وهالمعاش اللي بالجيبي ريّش وبلش يطير
ما بدو إلا نفخة وشو نفخات البياعين
عجل، عجل، تنوصل شدلي حيلك بكير
سبقونا كل الجيران وعالراس معلم لطفي
هلق ما بيتقنعوا وبتسكر الدكاكين
اليوم العيد، اليوم الصولد بيبيعوا حتى الفترين
*********************
:: الطفل و الطيارة ::
كان في مرة طفل صغير...
عم يلعب بالحارة... عم بيفتش على خيطان تيطير طيارة
إتطلع بالجو وقال... مدري شو عم يلمع
شوفوا شوفوا الطيارة...
جاي لعندي طيارة.
هاي طيارة كبيرة ما بدى خيطان...
وجوانحها أكبر من بيت الجيران...
فرفح قلبو وطار... على جناح الطيارة
والسما كلها أسرار... حكيتله أسراره
وقف بالساحة ينده رفقاته...
كان هدير الطيارة أقوى من كل الأصوات
تجمعوا الولاد... وفاتوا باللعبي...
وهزت البلاد... قصة متل الكذبة.
والهدير تحول لدخان كبير... ومدري شو صار...
دق النفير.
الطيارة الحاملي قصص وأشعار...
شعلت الأرض وهدمت الدار...
وهدمت الدار... وهدمت الدار
طارت الحدود...
حدود الولدني... برق ورعود تقصف على الدني
طارت اللعبي... وطارت معها القصة...
وصاروا الولاد شقفة من القصة.
القصة مكتوبي على سطيحات الضيعة...
والضيعة الهيوبي ولعت مثل الشمعة
والشمعة بتضوي... والصرخة بتدوي.
آ آ آ ه ... آ آ آ ه... آ آ آ آ آ ه
***********************
:: أجمل الأمهات ::
اجمل الأمهات التي انتظرت إبنها
أجمل الأمهات التي انتظرتُه
وعاد مستشهداً
فبكت دمعتين ووردة
ولم تنزوِ في ثياب الحداد
* * *
آه... آه... آه
لم تنتهِ الحرب لكنه عاد
ذابلة بندقيته ويداه محايدتان
* * *
أجمل الأمهات التي انتظرته وعاد
أجمل الأمهات التي عينها لا تنام
تظل تراقب نجماً يحوم على جثة بالْظلام
لن نتراجع عن دمه المتقدم في الأرض
لن نتراجع عن حبنا للجبال التي شربت روحه
فاكتست شجراً جارياً
نحو صيف الحقول... صامدون هنا... صامدون هنا
قرب هذا الدمار العظيم
وفي يدنا يلمع الرعب في يدنا
في القلب غصن الوفاء النضير...
صامدون هنا... صامدون هُنا
باتجاه الجدار الأخير
وفي يدنا يلمع الرعب في يدنا
في القلب غصن الوفاء النضير
صامدون هنا... صامدون هنا
************************
:: نشيد الخبز و الورد ::
لديك ما يكفيك من خبزٍ،
ولكن
ليس ما يكفي جميع الناس
والأرض ملأى بالسنابل
إنهض
وناضل
لديك ما يكفيك من حُبٍ
ولكن
ليس ما يكفي جميع الناس
والأرض
ورد ورسائل
إنهض
وناضل
لديك ما يكفيك من أرض وبيتٍ
وليس ما يكفي جميع الناس
والأرض
ملأى بالتراب
إنهض وناضل
إنهض
ولا تبقي سجوناً،
إنهض
ولا تبقي سلاسل
كن
مشعلاً بين المشاعل
*********************
:: تصبحون على وطن ::
عندما يذهب الشهداء الى النوم أصحو
وأحرسهم من هواة الرّثاء
أقول لهم :
تصبحون على وطن،
من سحابٍ ومن شجرٍ،
من سراب وماء
أهنئهم بالسلامة من حادث المستحيل
ومن قيمة المذبح الفائضة
وأسرق وقتا لكي يسرقوني من الوقت.
هل كلنا شهداء؟
وأهمس :
يا أصدقائي اتركوا حائطا واحداً،
لحبال الغسيل،
اتركوا ليلةً للغناء
اعلّق أسماءكم أين شئتم فناموا قليلاً،
وناموا على سلم الكرمة الحامضة
لأحرس أحلامكم من خناجر حراسكم
وانقلاب الكتاب على الأنبياء
وكونوا نشيد الذي لا نشيد له
عندما تذهبون إلى النوم هذا المساء
أقول لكم :
تصبحون على وطنٍ
حمّلوه على فرس راكضه
وأهمس :
يا أصدقائي لن تصبحوا مثلنا ...
حبل مشنقةٍ غامضه !
**********************
:: خائف من القمر ::
خبّئيني. أتى القمر
ليت مرآتنا حجر!
ألف سرّ سرّي
وصدرك عارٍ
وعيون على الشجر
لا تغطّي كواكباً
ترشح الملح والخدر
خبّئيني... من القمر!
وجه أمسي مسافرٌ
ويدانا على سفر
منزلي كان خندقاً
لا أراجيح للقمر...
خبّئيني... بوحدتي
وخذي المجد... والسهر
ودعي لي مخدّتي
أنت عندي
أم القمر؟!
********************
دمتم بعطر الجورى
