من طرف 
.
.
.
انا لو ما ذكرتك ما عشقت القاك قبل انساك
......... ولو اني نسيتك ماكرهت .. اني تذكرتك!
أحبك وارقد آمن في عيوني
ياعيونيْ هناك
خذ الما هيجنة
أو وجهنة
بابك: يدي
وضلوعي الشباك
أنا المنفي على كتفك، عيونك، ضحكتك
روحي: مْدي*
.. المَيّ : وقع خْطاك!
يالابيض من خفوقي
مرودي
مولدي
دفتري
ذوقي
جروحي
حزني الأفّاك
هْذا وجهك؟
: هْذا مرجوحة ٍ سالت على روحي
قبل ساعة
من اللي قال لك إنك "وَجْهْ"
مِن صبح يْتمدّن على الأبواب!
من اللي قال لك إنك تشابه ثلثلي الثالث
هْذْيْ إشاعة بلا كذّاب!
أنا موطنك
ضحكك
فرحتك
حيرتك، أومنفاك
ياكثرك في عيوني لوقليلك من بقايا
من مرايا
من صبايا
من شعر يقراك
أنا الصمت الدفين برمشك آبو الليل والنسيان
أنا توّي حبيبك
أو غريبك
أو طبيبك
هاك وجهي من نصيبك
عطني مْرَايتك..ابيْ القاك!
أنا الخارج من يدينك
من ضلوعك
من انفاسك، من نعاسك
من حنينك، بينك وبينك
من أشباهك
من متى؟...:
مْن الآآآآآآآآن!
