بنات الشات مجرد حثاله مجتمع ((موضوع للمناقشه ))

ريتاج كتب:

بنات الشات مجرد حثاله مجتمع

المقولة صحيحة مية بالمية

و انا بشوف انه لا الشب ولا البنت يدخلوا شات لانه مجرد زبالة

و بالاخص البنت لانه الشات راح يضرها كتير وهي اول شي بنحكى عنها انها حثالة

بعدين البنت اللي بتدخل شات شو بكون غرضها يعني

ماهي القصة واضحة من غير نقاش

واساسا بهالوقت البنات ممنوع يفوتوا نت مش بس شات

يلا الله يهدينا و يتوب علينا من هالاشكال

مشكوووووووووووور رامي

حياة الروح كتب:

بنات الشات مجرد حثاله مجتمع

بالعبارة هاي ذكرتم بنات الشات ما ذكرتم شباب الشات

انا بالموضوع هادة بجمع الشباب والبنات

بس انا بحب اوضح للجميع انه من بنت لبنت بتفرق ومن شاب لشاب بختلف

ومو كل واحد فات شات سميته حثالة

في ناس بتفوت باحترام وبتطلع باحترامها

الدور والباقي على الناس الفاضية الي ما الها شغلانة غير قلة الادب وضياع الوقت وشغلات تانية ما بتنقال ربنا يهديهم

انا بالنسبة الي ما عمري فتت اي شات لاي موقع

بس فتت شات منتدى ايس الي عرضه عليكم العضو اوريينت وانبسطت كتير هناك

اوريينت عضو محترم للغاية هو وكل الي كانوا بالشات وما حد بيقدر يحكي اي كلمة عليهم

لانه الشات كان كله نقاش عام ومسابقات وليس كلام على الخاص زانا كنت موجودة وبعض اعضائنا الي هون .

والي خايفين منه يصير على الشات ممكن يصير على الماسينجر

فكل واحد بيقدر يحافظ على حاله وين مكان

والحمد لله انا باحترامي وبكلامي بخلي الي قدامي وبيحكي معي غصب عنه يحتؤمني

موضوع حلو كتير

يا هبة الرحمن

مشكورة

بقايا انسانة كتب:

جد يعنى ذكرتم بنات الشات وين شباب الشات والا الشباب ابرياء وما بفوتوا شتات

يعنى كان يا رامى او غيره من غير ما تحكم على بنات الشات حتالة المجتمع شو اللى خالك تحكى هيك غير انك بتعرف منهم وللاسف اتعرفت على النوع التافه منهم والله فى شباب وبنات على الشات محترمين مش شرط كل وحدة بتفوت الشات مش محترمة مش كل واحد بيفوت الشات مش محترم اصابع الايدين مو زى بعضها

وبعدين المس هبة نوهت لشى مهم كتير المنتديات والرسائل هى مشكلة اكبر من الشات على الاقل الشات بيكون قدام ناس وبتحكى مع هاد وهاد بس المنتديات والرسائل لا بينك وبينها او بينها وبينك وكمان فى نظرى احسن من الماسنجر والياهوا وعالم الكاميرات والمايكات اللى الكل مبسوط بيهم والجدع اللى عندو منهم

مش صعب ندخل الشات الصعب ان ندخل الشات ونبقى محترمين ومحافظين على انفسهم

مع التحية