من طرف زائر السبت 29 سبتمبر 2007, 3:22 pm
بدنا نرجع للماضي اليوم
بالزمانات
كان العالم صغير كتير
متل ما عمنشوف اليوم عالتلفزيون بمسلسل باب الحارة
بالزمانات كان في عنا حارة
اليوم عنا كومباوند( compound مجمع سكني ) فيه ناس عايشة متل أيام زمان مش هيك
اليوم عنا مولز ( مولز جمع مول MALL مجمع تجاري ) فيه محلات تجارية بماركات أجنبية
يعني بالعربي الفصيح بدلنا الماضي العريق الجميل بحاضر غربي بإمتياز
بالزمانات كان عنا عمدة الحارة بيسهر على مشاكل أهل الحارة
اليوم عنا صاحب المجمع السكني أو التجاري بيسهر على زيادة رصيدوا بالبنك كل يوم
بالزمان كان عنا الجار يسأل عن جاروا
اليوم الجار ما بيسلم على جاروا
بالزمان كان عنا الفقير عايش بلا أكل
اليوم الفقير معوا موبايل آخر موديل
بالزمان كان عنا الجار يدير بالوا عجاروا ويسأل عنوا
اليوم الجار ما بيعرف شكل جاروا
بالزمان كان في عندهون كبير
اليوم ما عنا كبير إلا الجمل
بالزمان كان عندهون ناس بتبسط بالحارة ببلاش
اليوم عنا ناس بتبسط بالمول (Booth تجاري ) وبيكلف أكتر من محل تجاري خارج المجمع
بالزمان كان عنا الجار يسلف جاروا
اليوم ما حدن بيسلف حدن
بالزمان كان عنا الخضرجي واللحام والبقال
اليوم عنا عمو كرفور وجيان ( أجانب المصدر والمنشأ ) سوبرماركت جمع كل شي
يلي بدي قولوا اليوم
شو ضل عنا من الماضي
حتى الناس صارت غير ناس
والقلوب صارت باردة ومتحجرة
والسياسة بالزمان كانت إحتلال علني
واليوم هي إحتلال مفبرك
خبروني الله يوفقكوا
شو الفرق بين الماضي والحاضر يا غاليين
أنا مش ضد الحضارة
أبداً
ولكن ضد التخلي عن الماضي والتاريخ والتراث
********************
هذا ما يميز كل منا
وإن تخلينا عن ماضينا لن يكون لنا حاضر أو مستقبل
هذه هي مشكلتنا
زمن أول تحول
وأصبح الماضي ذكريات تشاهد على شاشات التلفزيون فقط
وعلى أرض الواقع
نحن نعيش الإستعمار بإمتياز
وماذا سأقول بعد كل هذا
سوى
رزق الله علي ايام زمان
