./. جنه على كرسى الأعتراف ./.

الغ ــسـآن كتب:

±± ج ــــنه ±±

بجو يشوبه الوداد والوئام

وبرفقة قلوب تحسن الصمت والكلام

معك نبحر جنة على كرسي الاعتراف

أهلاً بكِ عزيزتي بيننا نرحب بك أجمل ترحيب

ضيفة عزيزه على قلوبنا جميعاً

هلا وسهلا فيك غسان

عزيزتي سأبدأ معك أنا بالأسئله

اتفضل ولو البيت بيتك

بسم الله نبتدي رحلتنا بمعيتكِ.

ع بركه الله.

1-كل منا له حلم ماهو حلمك...؟؟؟

اكيد طبعا بس انا اللي 3 احلام:

الاول : تتحرر فلسطين من احتلالها الظالك

التاني:ترجع فتح منل الاول زمن حبيبي الختيار ابو عمار

التالت:شخصي اتخرج من الجامعه واكمل دراستي بالخارج

2-ماذا يعني لكي منتدي شلة المقطعين ؟؟

منتدى رائع بكل كنى الكلمه وهو صار جزء من حياتي وبالاخص يومي وبحبه كتير ولو ما بحبه ما دخلته من غير خلود ما تعرف هههه

3- ماذا تعني لكِ الكلمات التالية

الصدق

ميزه جميله نفتقدها في حياتنا هاي واصبحت عمله نادره وبالنسبالي الاخلاص مع النفس

الحب

هي عاطفه صادقه لكن هي غايه وعذاب "كلمه فقدت معناها"

البحر

بختلف معناه من شخص لاخر بانسبالي الصديق الكتوم

الموت
حق ويأتي بغته ولكن كل واحد بخاف منه لانو بياخد اعز الناس

الخوف

هو سبيل لخروج طافه هائله ناتجه ني شيء مروع
اما الخوف من شي تاني بعتبره جبن

السماء
كون فسيح وهي محطه استقبال الناظرين والحايرين والمحبين
نجومها ترسم للمحبين صورهم
وللمسافرين طريقهم
وللشعراء مخيلتهم

تحياتي لكِ ولحضورك المميز بيننا ومعك ستحلو الأوقات..

يسلمووو كتير

وحلوه باعضاءها ومشرفيها
[/size]

الغ ــسـآن كتب:

مرحبا ج ـــنة

هلا يا باشا

جيبلك شوية اسئلة

ليه كده بس خلي علينا هههههه

نبتدي

اتفضل ولو

كل مشاعرك واحاسيسك اجتمعت في كتاب ..
شو راح تختاري له ( عنـــوان ) ؟

الامل بالغد

نقطة ضعفـك ؟؟؟
ثقتي بالاخرين والدموع

اذكري بيت شعر قريب الى قلبك و آخر يصف حالتك ؟
نعيب زماننا والعيب فينا.. وما لزماننا عيب سوانا
ونهجو ذا الزمان بفير ذنب..واو نطق الزمان لنا لهجانا
وليس الذئب يأكل لحم ذئب..ويأكل بعضنا بعضا عيانا

شعر يصف حالتي:

صرت اخاف وخوفي اني افقدك... وانت تدري كل شي عندي يهون الا اني افقدك



ماهي أسوء صفه فيك وما أهي افضل صفه؟

ايه الاحراج ده هه

اسوأ صفه مع اني ما بحسها فيا بس خلود قاتلاني فيها : النمرده
بس انا بقول الحساسيه الزائده
احلى صفه: ثقتي بنفسي
عندما تجلسي بروحك شو تفكري فيه ؟

بفكر بكل شي حوليا وبتذكر موقف قاسي كتير ما بنساه حصلي
يعني بفكر بالماضي
اي القنوات الأخباريه تفضلين مشاهدتها ؟

يعني انا مو تبعت اخبار والقناه الاخباري تبعي محمد اخويا

الالتزام بالمواعيد شئ جميل ويمثل شخصية جادة ... أين أنتي من ذلك .؟

لا من ناحيه هيك دقيقه جدا لدرجه لما بوعد حد يجي وما يجي بالموعد يسترحم ع حاله

ههههههه

ماهي نظرتك للارهاب والارهابيين ؟

الارهاب هو ظاهره انتشرت بحجه تطبيقهم للشريعه من خلال اشخاص فسروا الدين حسب عقلهم وحرفوا معاني النصوص القرانيهولاحاديث النبويه ليستندوا عليها
وبيسعى لتشويه صوره الاسلام الحقيقيه

كم عدد افراد اسرتك وكم ترتيبك بينهم ؟

احنا 5 شباب و4 بنات وانا التانيه بينهم

مين اكثــــــــر الاعضاااء او المشررفين االي تفتقدين وجودهم في المنتدى ؟؟!!

في اعضاء كتير شفتهم اثبتوا وجودهم بالمنتدى بس انا فتره ما دخلت ما شفتهم

متل عاصف وولاء والامبراطور...

اربع بطاقات لمن تهدينهم :-

بطاقة حب ...للوالدين وصاحبتي انوس

بطاقة موده ...لكل اعضاء المنتدى

بطاقةعتاب ... لكل من قصر في حق غزه

بطاقة شكر ...لكل من ساند غزه

الكلمات التاليه لمن توجهينها من الاعضاء

-شكـر
لغسان ع منتداه الرائع
-اعجـاب
المنسي الحزين ع قدرته ع وصف حاله بالاشعار والكلمات

-احتـرام
لكل الاعضاء بخص حليم
-تقـدير
لكل من ساهم في نجاح المنتدى
-حـب
لشله المقطعين
-وداع
ما في حد
-مخلـص
لما جرب بقلك ههه لا الكل


اصدقائك دائما اكبر منك او اصغر منك؟؟

فيك تقول من كل الاعمار بس اكتر شي قدي قدهم واكبر

مكان تحب تروحين له لما تكوني مبسوطة (فرحانة )؟؟

البحر وعند ستي"ام امي"

مكان تحبين تروحين له لما تكوني متضايقة ؟؟

اكيد احضان الوالد

موقف ندمتي عليه بحياتك؟؟

ياااااالله بتمنى ينمحي من حياتي بس اعذروني شخصي

موقف تتمنين دوم يتكرر بحياتك؟؟

نجاحي بالثانويه العامه

كلمة تحبين تسمعينها؟؟

الله يخليلي اياك يا مونه "من الوالد"

اكثر شخصية تفضلينها (الهادئة_المرحة_العصبية؟)؟؟

المرحه

هل تأيدين حريه المرأه ؟

ايه بايدها ولكن بحدودها

هل لديك تطلعات بالسياسة؟

انا من اول ما مات الختيار وماالي بالسياسه

شو الأوقات اللي اتحبين اتكونين فيها وحيدة؟

فتره الامتحانات

شو هي الامنية اللي تتمنين انها تتحقق؟

امنيتي ان يرضى الله عني ورضا الوالدين

اما من ناحيه تانيه السفر

متى اخر مره بكيتي من قلبك ؟

قبل سنه لما الوالد خاصمني 3 ايام
عند ما وصلني خبر موت الزعيم ابو عماااار

كم عدد الساعات التي تقضيها علي النت ؟

حسب وقتي اللي بحصل عليه
فتره ساعتين او تلات

اغلى هديه قدمتيها لشخص يعز عليكي ؟
ساعه للوالد وشال للوالده
هل عندك هواية تجميع الاشياء ؟
لا مو كتير

شي عندك ما تقدرين تستغنين عنه ؟

الجوال ومحفظتي ودرج المكتب بتاعي ههه

لو كنتي بجزيرة لمدة شهر بروحك ، ولازم تاخذي معاك 3 اشياء فقط . شو تاخذي؟
3 اشياء لو جيت عليا ما باخد شي غير انا وايناس صاحبتي

ماهو لونك المفضل ؟

السماااااااوي والموف

متى يكون الموضوع او المقال رائع في نظرك ؟؟
لما يكون بيحتوي ع كل شي وانا اول شب بيجذبني العنوان
وبحب المواضيع اللي بيكون فيها كلام من الواقع بطريقه اشعار وخواطر

حكمة تؤمنين بها ؟
هما 2: علمتني الحياه ان احترم عقول البشر.. لكن لا اثق بها
اذا اردت شيئا بشده فاطلق سراحه فان عاد اليك فهو ملكك من البدايه وان لم يعد لك فهو لم يكن لك من البدايه
شو أحلى مدينة زرتيها؟

ههههه غزه وما طلعت منها

فين تروحي لما تطلعي من البيت ؟

ع الجامعه

ايش اكثر شي عايزة تعمليه في حياتك؟

انهي دراستي واكمل بالخارج

مين أكثر شخص يخليكي تضحكي؟

خالو كريم

مين أكثر إنسان ماتخبي عليه شي ؟
اكيد الوالد" الله لا يحرمني منه"
وصاحبتي ايناس
مين أكثر عضو تتحمسي لمواضيعه ؟
كل عضو بيعجبني فيه موضوع مافي شخص محدد

أقسى عقاب أخذتيه بحياتك ؟
من الوالد عند ما عملت شي ما عجبه ما كلمني 3 ايام وبعد هيك حرمت اعمل شي بيزعجه

ما الذي يعجبكـ في الرجل وفي المرأه ؟

الرجل: كبرياءه وعزه نفسه " شخصيته" المظهر بعجب بطوله
المرأه: خجلها ونعومتها
إنسان تحملين له ذكرى جميلة والدنيا فرقت بينكم ؟؟

قريبي




بتمنالك قضاء وقت سعيد

تسلم يا باشا بس والله تعبت خليت دماغي تشتغل هههه

مع التحيــــة
موفق

كـــــآرلآ كتب:

هاى جنه كيفك

هلا يا عمري

اقامه سعيده

تسلمي يا عسل

راجعه

بتنوري حبيبتي

النورس الجريح كتب:

شكرا جنة لردودك الحلوة

يسلمو انت الاحلى

خليك منورة كرسي الاعتراف

بكفي بقى هههه لا منور باعضاءه الحلوين

اكيد الي عودة

ليه كده بس قلنا خليك مرتاح

ههههه

لا ولو بتنور المحاكمه ههه

بسمة امل كتب:

جنة

قبائل ورود انثرها بحضورك

تسلمي يا ورد كلك زوء حبيبتي

منورة الكرسي يا عسل

اكيد منور بوجودك يا عمري

واسمحى الي اسالك كم سؤال

اتفضلي ولو

حين...تحاول دموع مختبأة في عينيك..إعلان الحضور.. وتقرر أن تذرف ألمها... هل يا ترى تتركيها؟؟؟ أو.. ما الذي تفعلينه؟؟؟
انا قلت قبل اكتر صفه ما بحبها حساسيتي ودموعي
بتركها تنزل براحتها


( يقولون أن الحياة الدنيا عبارة عن فلم أو مسرحيه وكلنا نمثل فيها أدواراً قد تكون بإختيارنا أحياناً أو أنها فرضت علينا.....))
إذا كنتى توافقين على هذة المقوله فأي دور تلعبينه أنتى ؟؟

صحيح المقوله بلعب دور ضحيه في مجتمع فقد مبادئه

ماهى الصفه التى تمنيتها وهى ليست موجوده فى شخصيتك ؟؟

تمنيت اكون بيوم من الايام قاسيه وحقوده بسبب موقف واحد بس

شخصيه لا يمكنك الاستغناء عنها في حياتك ؟؟

MY DAD
أمام من تجدين نفسك ضعيفة ؟
ادام ربي

رسالة اعتذار لمن تقدميها ؟

لكل انسان انا غلطت بحقه

لمن تهديها أو لمن ستقدميها

بطاقة حب - لكل اللي بحبهم

بطاقة عتاب - للي ظلموني

ثلاث زهرات - حليم _الحوت_ هيا

عطر غالي -لامي

عطر رخيص - ما بقدمه

قنبلة ذرية لكل انسان لم يساند غزه

شيء فقدته وعرفت قيمته ؟

سيدي

مارأيك وبكل صراحة بالفتاة التي تتحدث مع شاب ؟

انا بأيد وما بأيد بأيد اذا كانت بحدود وانتوا طبعا فاهمين مش لازم اوضح

هل تؤيديم دخول المرأة للنت ؟

بايد بس يكون بشغل او لا ستفاده مو لاي شي تاني يدمر بيتها اوبيت زوجها

لو طلب منك أن تتنازلين عن قلبك للإنسان لمن تهبينه ؟

هو ما في حد بستاهلو

لو كسبت مليون دولار ماذ ستفعلين بهم ؟

يااااااااه احلم يعني اكيد حبني غزه من اول وجديد

جرح ينزف ومازال الى الآن ؟

نو كومنت

كلمة صادقة دون مجاملة تودين أن تقولينها من خلال كل ما طرح عليك ؟

بحبكوا كتير وربي يوفق الجميع من كل قلبي

- وأخيراً أهديك بعض الكلمات وأتمنى الرد عليها بكلمة واحدة فقط!
الأم : العطاء
الحياة :فانيه
الصداقة :كنز

تحياتى الك

موفقه حبيبتي

حوت ال كريزم كتب:

انا ما الى فى الاشئ هاد

هههههههههه ايه بعرف مشكور ع مرورك يا حوته
قلبى معك يا جنة ههههه


تسلم ربنا يوفقك يا باشا

فى النجاح والتوفيق

وانت كمان موفق
مع تحيات حوت ال كريزم

الغ ــسـآن كتب:

مرحبــا جنة

يا هلا ما بدك تبطل تسأل بتعب وانا بجاوب ههههههه

ان شاء الله تكوني بخير

الحمد لله تمامووز بالموز ههههه

ممكن الاقي اجابات علي هذه الاسئلة

اذا قدرت ما راح اقصر

يلاا نبتدي

يلا يا باشا

سؤالي الاول ..
من هي جنة بإختصار ؟؟

انسانه فلسطينيه غزاويه اجتماعيه مرحه وحساسه وعصبيه شويه مو كتير هه
سؤالي الثاني ..

هل حققتي ماتمنيتي من احلامك بمختلف تصوارتها . ؟
لا طبعا لانو اللي بعيش بغزه اذا حقق انو عاش بيكون ممتاز
سؤالي الثالث ..
عندما تخرج لنا احرفك تلبس اجمل المعاني والكلمات وترتسم في ركن الخواطر او مقطعين رايقين
هل تكتبين عن تجربه احساس اما هو مجرد ترف فكري ..؟

فيك تقول الاتنين بس ترف فكري لي تدخل بانتقاء مواضيعي الناتجه عن احساسي بهيك شي
سؤالي الرابع ..
اين موقعك من الهدوء في دقائقه ام ايامه ام شهوره ..؟

الحمدلله الهدوء درجته خفيفه عندي
سؤإلي الخامس..
اي قسم يفخر بوجود ( جنة ) . كيف وصلتي الى منتدى شلة المقطعين ؟

نبض الحروف بلاقي نفسي فيه

ووصلت للمنتدى من ورا اختي خلود
سؤإلي السادس...
- لو طلب من ( جنة ) . وضع عدد من النقاط او الاقتراحات للرقي بالمنتدى فماذا تقولين ؟

المنتدى مو ناقصه الا شي واحد غسان المشاركه الايجابيه من قبل الادرايين والاعضاء والمشرفين
وبحييك ع مجهودك
سؤالي السآبع ...
- انتقادات ( جنة ) او السلبيات التي تراهاا في المنتدى ؟

من زمان مستنيه هالسؤال وهو انتقاد بس واحد لا حظته من قبل المشرفين والاداريين والاعضاء
سوري معلش المفروض لما الانسان يرد ع موضوع او يعجبه موضوع يرد بكل صدق ع الموضوع
مش يروح يرد بس ع اللي كاتب الموضوع

باختصار شديد قبل ما نطلع ع الموضوع بنطلع ع الي كاتبه اذا بنعرفه وبنعزه دخلنا نرد

اذا ما بنعرفه طنشنا موضوعه بس


سؤإلي الثآمـن ..
ماذا يعني لكِ منتدى شلة المقطعين؟
بيتي التاني وجزء من يومي اصبح

سؤإلي التآسـع...
كيف تنظرين للحياة (بشكل عام)؟
الحياه احنا عابرين سبيل وماشيه

وهيا حلوه بس صعبه والناس اللي فيها ما بتحس ببعض


سؤإلي العآشر...
كيف تعبرين عن فرحك دائماً؟
بنط وبرقص وبضحك كتيييييييير
سؤإلي الحآدي عشر..
متى تشعري بأنك قريبه من نفسك؟
بكل اوقاتي فرحي وحزني

سؤإلي الثآني عشر...
متى تشعرين بالراحة والسعادة؟
لما بيكون وسط اهلي

سؤإلي الثآلث عشـر...
هل الفرح اصدق تعبير للسعاده ام السعاده اصدق من الفرح؟
السعاده اعم واشمل من الفرح
لانه الفرح جزء من السعاده

سؤإلي الرإبع عشر..
ماهو الشي الذي امامك ولكن صعب الوصول اليه؟

طموحي لانه هنا ما بيتحقق
سؤإلي الخآمس عشر..
ماذا اخذتي من النت وماذا اعطيتيه؟
اخدت منه كتير شغلات

ثقافتي وثقتي بنفسي زادت وصحاب وصحابات متل العسل

اعطيته مجهودي

سؤإلي السآدس عشر..
هل يوجد في زمننا هذا شي اسمه مستحيل (رغم التطور العلمي)؟
ايه في عنا الحب المستحيل هههههه

احنا كل شي بحياتنا مستحيل

سؤإلي السآبع عشر..
ماهي حكمتك بالحياه(افضل حكمه من وجه نظرك)

نعيب زماننا والعيب فينا.. وما لزماننا عيب سوانا
ونهجو ذا الزمان بفير ذنب..واو نطق الزمان لنا لهجانا
وليس الذئب يأكل لحم ذئب..ويأكل بعضنا بعضا عيانا



سؤإلي الثآمن عشر..
خمسة اعضاء لن تنسينهم ابداً وتحبين قراءة مواضيعهم او تسعدين لوجودهم في مواضيعك؟
الغسان
حوت ال كريزم
حليم عاشق القمر
هيا
سويت جيرل


سؤإلي التاسع عشر...
متى تبكين على نفسك؟ او هل بكيتي على نفسك مرة من المرات؟
لما بحس اني انظلمت
ايه بكيت

سؤإلي العـشرين...
إين وصلتي في مستواكِ التعليمي ؟
جامعه
سؤالي الواحد والعشرون ...
ماهو شعورك وأنتي محاطه بكل هذا الحب والأحترام من قبل جميع زوار هذا المنتدى ؟؟
اكيد بشعر بكل فرح وحب وبفخر بهيك شي
إسئـله متفررقـه ...
( ماذا )
ماذا يعني لك الحب (من القلب إلى القلب )
انا قلت الحب غايه وعذاب
ماذا .. تحبين وتكرهين ...!!

بحب الحياه

بكره الظلم
ماذا تريد من الح ـياه ( جنة ) ..!!

ان يرضى الله عني
وانو الوالدين يرضوا وخصوصا الوالد

واني احقق طموحي
( أيــن )
أين تكوني داخل المنزل ..!!
بين اهلي
أين تحبين بان تذهبين هذا المساء ..!!
لعند ستو مشتاقالها
أين كنتي في هذا الصباح ...!!
بالبيت
( متى )
متى تحبين ومتى تعشقين ..!!
بحب لما الاقي نصي التاني ههههه
متى تذهبين الى البحر ..!!
لما احتاج لصفاء الذهن
متى تذهبين الى السفر ..!!

يااريت بذهب لما اكمل دراستي


ماذا تعني لكِ الكلمات التالية ..!!
البحر ,, الصديق الكتوم
السماء .. ملتقى العاشقين والمسافرين والحايرين
الحب .. غايه وعذاب
الغرور .. مفقود الثقه بالنفس
الع ـشق ..احساس بس مو ملاقينه بجد

إسئـله من الهآمش ...
خبر سعيد سمعتيه هالسنه ؟ وخبر محزن ؟؟

خبر سعيد الحمدلله ما سمعت
اما محزن الحرب واستشهاد خالي واولاده
بيت شعر مقرب منكٍ جدا ؟
صرت اخاف وخوفي اني افقدك... وانت تدري كل شي عندي يهون الا اني افقدك

اخر مدينة او دولة زرتها ؟
الحمدلله ما طلعت من غزه ولا حتي بريج هههه

اللون المفضل لديك ؟

السماوي والموف
افلامك المفضلة ؟
الهنديه والاكشن
مطربك المفضل ؟

ما في محدد حسب كلمات الاغاني
اغنية تحبينها ؟

يا ابنتي لنجوى كرم ووديع صافي
شاعرك المفضل؟

تميم البرغوتي
إسئـله تخص الآعـضاء ..

من هو أكثر عضو تشعرين بالرهبة منه؟
لا ما في
جائزة أحسن أخلاق لمن تعطيها ؟

لكل الاعضاء
جائزة أحسن أسلوب فكاهى ؟

لحليم وحوته
جائزة أفضل عضو على الإطلاق ؟
هيوش
العضو الذى تحسين أنه غامض؟

يوميات رجل مهزوم
جائزة الجندى المجهول بالمنتدى لمن؟

لعاصف
جائزة العضو النشيط؟
لمالين
العضو الذى تقول له (لا حرمنا الله منك)
الغسان
من هو أشرس عضو ؟

حليم هههههه

من هو أمكر عضو ؟

لا ما عنا هنا مكارين ههه
عضو مثقف؟
الامبراطور
عضو مرح ؟

انا هههه
عضو شاعر؟

محمد سراب
عضو ذووووق.؟
كاتمه الاحزان
عضو دلـــوع ؟
سويت
عضو روومنسي؟
هو في غيره ههههه خياااااااال
عضو تحسيه حلوووو؟
كلياتهم حلوين
عضو طيب على نياته؟

حوته حبيب الشله
عضو شعبيته كبيره ومحبوب عند غالب الاعضاء؟
كلهم محبوبين وعسوليين
عضو تحسه برييء براءه اطفال ؟
حوت ال كريزم هه

عضو توإإم روحك بالمنتدى ؟

لحن الخلود
مـــــع التحية

حوت ال كريزم كتب:

جنة

يعطيك الصحهـ والعافيهـ


الله يعافيك يا حوته
!!!!!!!!!!!!!!
المبدعهـ

جنة
!!!!!!!!!!!
منوووووووووووووووووووووووره

بوجودك يا عسل
ان شاء الله مرتاحهـ بالكرسي

الحمد لله تمامووووز بالقشطه ههه

اسمعى اجيبلك لك مخده تحطينها وراء ظهرك ههههههههه

يسلمو لا فيك الخير لكن تعا لهون انت قلتلي ما الك بهيك شو داخل بتسوي هنااا

لا منور والله يا حوته



الاسئله؟؟؟

والله اتفضل لشوف



من اكثر شخص ترتاحين لهـ بالمنتدى؟

كلهم بس اكتر شي انت وحليم وهيوش واكيد اختي


من اكثر عضو تعجبك كتاباته؟

الكل ما في مقطع محدد


احلى وقت عندك؟

لما اكون بلعب مع الشله وبالجامعه مع صحباتي


الاكلهـ المفضلهـ عندك؟

المحاشي والسلق عدس من غير ضحك ههههههه


الماركه اللي ماتستغنين ابدا عنها بالميك اب /والملابس
ما في ماركه معينه

احلى شخصيهـ قابلتيها بالمنتدى؟
الكل عسل


افضل الاقسامـ عندك بالمنتدى؟

نبض الحروف

مقطعين رايقين
الالعاب والمسابقات
حكمتك بالحياة؟
جاوبتها اكتر من مره


ابيات تحسين انها قريبه منكـ؟
كمان جاوبتها

اقرا اجاباتي كويس يا حوته ههههههههه

ان شاء الله اكون ما طولت عليكـ بالاسئلهـ ولي عودهـ <<<بعرف انك تدعى مااجي يا جنة هههههههههههه


لا والله بس ما تعيدها هههههههه
مع تحيات حوت ال كريزم

جنه