من طرف 
فى قديم الزمان كان فيه مراة عجوز قاعدة وحيدة
وفجأة طلع ليها ابليس ………
العجوز خافت و بقت تقول باسم الله
ابليس :أنتي يا عجوز انتى حسع عاملة نفسك داهية؟؟
العجوز: نعم أنا فعلاً داهيه ……….. والنساء عموما يدهن عظيم وألا ...انت شايف غير كدا؟؟
أبليس: أنا أتحداك……..وبنشوف مين كيده أعظم …..المرأة ولا أبليس
العجوز :خلاص أنا بخلق ليك مشكله وأنت امشى حلها واذا ما قدرت أنا بقوم بحلها وبفوز بالرهان
ابليس :O.k (بالانجليزى لان الكلمة متداولة عالميا)
مشت العجوز لواحد عاطلما عنده شغل ولا مشغلة
وقالت له أنا بشغلك عندي فترة معينه بس…….
اذا عايز قروش ما تتدخل فى ونفذ الاوامر بدون اى كلام
وافق صاحبنا ومشوا لمحل اقمشة وقالت له انتظرنى قدام الباب وهى دخلت المحل وبقت تتفحص فى قماش غالي وبقت تفاصل التاجر فى السعر
العجوز: شوف لينا اخر سعر
التاجر :اذا أنتي ما عندك قروش متعبة نفسك ليه؟؟
العجوز : انت ما بتعرف القصة ولازم اشترى….والا حتصل مشكلة كبيرة
التاجر :ليه..كفا الله الشر …..وللدرجة دى…..
العجوز:شفت الشاب اللي واقف جنب الباب؟؟..دا ولدي
..يحب ليهو واحده متزوجه وهي تحبه وبعد ما تطلق من راجلها هو بتزوجها!!!وهو مُصر لو عارضت الموضوع حيطردنى من البيت وجايبنى هنا عشان اشترى له القماش دا لزوم الهدية للحبيبة,ولان البيت سجلته باسمه
التاجر: خلاص ..خلاص والله كسرتي خاطري ….خلاص أنا بديك القماش وببلاش وربنا يعوضنا
العجوز طلعت مبسوطة وصرفت الولد عشان يمشى يرتاح
وهى مشت بيت التاجر ودقت الباب
العجوز:ازيك يا بنت امى..أنا تعبانة من المشى و ما قادرة اكمل أكمل ممكن أقعد عندك شوية؟؟
رحبت الزوجة ودخلتها وأكرمتها وجابت ليها عصير
العجوز: الله يبارك فيكى إن شاء الله ...ونردها ليك فى الافراح(تعمدت ونست القماش) ومشت
الزوجة: لقت القماش بعد فترة وقالت ..حرام نست قطعة القماش …أكيد بترجع بعد شوية وتأخذها ..ومشت حفظتها فى الدولاب
التاجر رجع البيت واتغدى وبعد اخذ قسط من الراحة مشى الدولاب عشان يغير ملابسه عشان يمشى المحل وقرب يقع من طوله لمن شافه قطعة القماش
وعرف أن المرأة صاحبة القصة هى مراته وقام مع الغضب واداها كم علقة ساخنة مع حافز الطلاق والطرد فى الشارع
العجوز كانت تنتظر اللحظة دى بفارق الصبر في أخر الشارع ....وجات للمراة وكأنها ما عارفة حاجة وبقت تسأل عن سبب النحيب والبكاء
الزوجه : زوجي طردني …وما ادانى فرصه للكلام
العجوز: خلاص أنا بوديكى بيتي وأنا بحاول أحل المشكلة برواقة
المهم مشوا البيت ودخلت الزوجه في غرفة بينما الشاب كان في غرفة تانية بامر العجوز.
مشت العجوز للشرطه ..وهى تبكي وتقول :كنت قاعدة في بيتي وفجأة دخل عليا راجل ومعاهو مرأة وقعدوا ببيتي حاولت أطلعهم وما قادرة
(أحتلوا بيتي عديل كدا بالقوة)
ذهبت الشرطة وقبضت على الشاب والزوجه ….وحبسوهم
العجوز: واها يا الابليس رايك ايه؟؟وكيف بتحلها حسع؟؟
أبليس : لا لا ..دى قوية جدا ومش من مقدرتى خالص
العجوز: وايه رايك اقوم احلها انا وكأن شيئاً لم يكن واربح الرهان؟؟
مشت العجوز للسجن وقالت للمراة :أنتي ساعدتينى مرة
وأنا جاء دورى عشان اساعدك…..يلا قومى البسى ملابسى واتغطى كامل زى ما انا جيتك وأطلعي من السجن كأنك أنا وأنا بكون فى مكانك
الزوجة:شكراً الله يساعدك ….لكن أنتي ؟؟
بله من الله
حليم
العجوز: انت ما عندك شغل انا بطلع زى الشعرة من العجينة وما تشفقى.
تمت عملية الهروب بنجاح….
كبير الضباط أمر الحراس باحضار المسجونين عشان يحكم عليهم
حضرت العجوز والشاب وسألهم الضابط :مشكلتكم شنو بالظبط؟؟
ردت العجوز:والله يا وليدى ما عملنا حاجة وكنا قاعدين فى امانة الله فى بيتنا أنا ولدي وجات الشرطة داهمتنا وما ادونا فرصة للكلام
الضابط فقد اعصابه وهزأ الشرطة كلها وما اداهم فرصة للكلام لانو كان عصبى جدا وقال ليهم انتو غلطانين
طلعت العجوز من مركز الشرطة مبسوطة وادت الولد القروش اللى اتفقوا عليهو وقامت بانهاء خدمته .
مشت العجوز لتاجر القماش وقالت ليهو .. أنها بعد ما تعبت منالطريق مشت لبيته وأنو زوجته أصيله وطيبة وأكرمتها وهي من كثرة التعب نست القماش عندها وأن زوجته بريئه من التهمة وكان من الواجب التروى والاستماع اليها...وحسع خد قماشك لان ولدى سافر لشهر العسل هو و عروسته
رجع التاجر سريعا لزوجته واعتذر ليها بشدة
العجوز : والان ايه رايك يا أبليس أنا حليت المشكلة والا...لا؟؟
ابليس وهو خايف...ايوة نعم ان كيدكن لعظيم
